 |
| Kotteren etxea
. EMAKUMEEN AURKAKO BORTXA
Gizonaren
bortxakeriak sustrai sakonak ditu. Iaz, Euskal Herrian, ertzainek 902 gizon
atxilotu zituzten emakumeen kontra indarkeria erabiltzeagatik; izan ere,
Estatuan 70 emakume baino gehiago hiltzen dira urtero gizonezkoen
bortxakeriaren ondorioz.
Hildako
emakume kopuru hau handia izanagatik ere, garatutako herrialde batenak dira eta
suposatzen da, zenbat eta garatuagoa herrialdea, orduan eta hildako emakume
kopuru txikiagoa izan behar duela.
Hildo berean,
esanguratsua da nola Suedian, herrialde garatu bat izanagatik ere, erasotako
emakume kopurua oso handia da. Baina garatu gabe dagoen herrialde bat
begiratzen badugu, ikusiko dugu nola kopurua askoz handiagoa da; baldin eta
erasotako emakumeen zenbaketa egiten badute; izan ere, hain onartua dago
emakumeen aurkako bortizkeria non erasoak ez baitira aintzakotzat hartzen, ezta
galerazten ere. Honen adibidea da Ciudad Juarezen gertatzen ari den
“feminizidioa”; izan ere, hiri honetan 500 emakume gorpu agertzeke daude.
Kezkagarria
da gaur egun daukagun egoera baina aurreko garaiekin erkatuta, paradisuan bizi
garela dirudi, emakumeok noski. Emakumeok, gure bizitza nahi dugun bezala
antolatzerik orain gutxirarte ez dugu izan, gizakiak 2000 urte baino gehiago
lurraren jaun eta jabe daramatzanean.
Bestalde, A.
Cortina soziologoak dio emakumeen kontrako bortxari buruz: “ berdintasunak
gizonezkoaren indarkeria eragiten du; ezin du jasan emakumea bere parean
jartzea.” Ez da berdintasuna arazo honen errudun nagusia; izan ere, arestian
esan dugun bezala, inolako berdintasunik ez dagoen herrialdeetan, askoz
latzagoa da emakumeen egoera.
Ez da
berdintasuna emakumeok behar duguna, aitzitik, geure bereizgarritasunak
onartzea eta lantzea da gizonezkoen parean jartzeko beharrezkoa duguna.
Hortaz, gure
joeren alde onak landu behar ditugu, ez gizonezkoenenak gureak egin. Geure
burua begirunez tratatuz gero, besteen jokabidea gurekiko behar bezalakoa
izango da.
Arrate
Zurimendi
|
 |
| Argiaren Indarra |